Социаллық тармақлар арқалы "Қараөзек районындағы 8-санлы улыўма орта билим бериў мектебиниң класс бөлмелери жыллы емеслиги, оқыўшылар наўқасланып қалғанлығы..." ҳаққында материал жәрияланған.

Бул бойынша Қарақалпақстан Республикасы Мектепке шекемги ҳәм мектеп билимлендириў министрлигинен

РӘСМИЙ МАҒЛЫӮМАТ

Ҳәзирги ўақытта бул жағдай Қарақалақстан Республикасы Мектепке шекемги ҳәм мектеп билимлендириў министрлиги тәрепинен қадағалаўға алынған болып, Қараөзек районлық Мектепке шекемги ҳәм мектеп билимлендириў бөлими тәрепинен исши топар дүзилген.

Исши топар тәрепинен райондағы 8-санлы улыўма орта билим бериў мектебинде үйрениў жумыслары алып барылды.

Үйрениў нәтийжесинде, Өзбекстан Республикасы Президентиниң 2023-жыл 16-январдағы «2023-жылда қайта тиклениўши энергия дереклерин ҳәм энергия тежеўши технологияларды ен жайдырыўды жеделлестириў ис-илажлары ҳаққында»ғы ПҚ 57-санлы қарары қабыл етилген. Усыған тийкар «ISITISH TIZIMI SERVISI» ЖШЖниң (2023-жыл октябрь айында «SANTEXGAZMANTAJ» JSHJ тәрепинен ислеп шығарылған) KOM-60 маркалы 7 дана қазанлары орнатылған. Бүгинги күнде орнатылған барлық қазанлар толығы менен ислеп турғанлығы ҳәм де мектептеги класс ханалардың ишки жыллылығы талап дәрежесинде екенлиги анықланған.

ҚР Мектепке шекемги ҳәм мектеп билимлендириӯ министрлигиниң Мәлимлеме хызмети