Бүгин Қарақалпақстан Республикасы Мектепке шекемги ҳәм мектеп билимлендириӯ министрлигиниң мәжилислер залында "Халықаралық грант жойбарларда қатнасыӯ ҳәм жеңип алыӯ" бойынша  әмелий семинар шөлкемлестирилди.

Семинарға Қарақалпақстан Республикасы Мектепке шекемги ҳәм мектеп билимлендириӯ министри Г.Кожабаева, министрдиң биринши орынбасары А.Даулетбаев, Өзбекстан Республикасы Мектепке шекемги ҳәм мектеп билимлендириӯ министрлигиниң Халықаралық байланыслар бөлими бас қәнигеси Алхам Шаймарданов ҳәм барлық мектепке шекемги ҳәм мектеп билимлендириӯ бөлими баслықлары, мектеп директорлары қатнасты. 

Бунда тийкарынан 2023-жылы 15-сентябрь күнги  Қарақалпақстан Республикасы Жоқарғы Кеңесиниң «Билимлендириӯ тараӯында алып барылып атырған реформалардың орынларда әмелге асырылыӯын тәмийинлеӯ, келешегимиз болған жасларымызға сапалы билим бериӯ илажлары ҳаққында»ғы баянламасында бир қанша ӯазыйпалар белгилеп берилген еди.

Сол ӯазыйпалар ишинде «Ҳәр бир мектеп шет ел грантларына ҳүжжет тапсырыӯ ҳәм  жеңип алыӯ бойынша усыныс ҳәм пикирлер берилген.

Усыларды есапқа алған ҳалда Өзбекстан Республикасы Мектепке шекемги ҳәм мектеп билимлендириӯ министрлигиниң Халықаралық байланыслар бөлими бас қәнигеси Алхам Шаймарданов зоом арқалы халықаралық грандлар бойынша кеңнен түсиник берип өтти. 
Илаж қатнасыӯшылары қәниге тәрепинен өзлерин қызықтырған сораӯларына тийисли жуӯаплар алды.