Өзбекстан Республикасы Мектепке шекемги ҳәм мектеп билимлендириӯ министрлигиниң 2023-жылғы 22-июньдағы 178-санлы буйрығына муӯапық билимлендириӯ сапасы жоқары болмаған улыӯма орта билим бериӯ мектеплердиң дизими қәлиплестирилген еди. Усы тастыйықланған дизимге Қарақалпақстан Республикасы бойынша жәми 33 улыӯма орта билим бериӯ мектеби киритилген. Атап айтқанда;

-Әмиӯдәрья районы  77-79-63-66-санлы мектеплер,

-Беруний районы 53-20-12-62-санлы мектеплер,

-Шымбай районы 26-санлы мектеп,

-Еликқала районы 62-35-26-59-15-31-24-18-санлы мектеплер,

-Қоңырат районы 17-мектеп,

-Шоманай районы 27-30-мектеплер,

-Тақыятас районы 11-19-20-12-21-8-13-4-15-санлы мектеплер,

-Тахтакөпир районы 14-санлы мектеп,

- Төрткүл районы 7-мектеп,

-Хожели районы 9-34-санлы мектеплери киритилген.

Усыған муӯапық, Қарақалпақстан Республикасы Мектепке шекемги ҳәм мектеп билимлендириӯ министрлигиниң арнаӯлы буйрығы шығарылды. Усы буйрық тийкарында орынланыӯы тийис болған ӯазыйпалар белгиленип алынды.

Буннан тийкарғы мақсет билимлендириӯ сапасы жоқары болмаған мектеплерде билимлендириӯдиң сапасын жақсылаӯға қаратылған илажларды әмелге асырыӯ, оларды билимлендириӯ сапасы жоқары болған мектеплер қатарына киритиӯ болып есапланады.

Мине усы ӯазыйпалардың орынланыӯын тәмийинлеӯ мақсетинде бүгин билимлендириӯ сапасы жоқары болмаған улыӯма орта билим бериӯ мектеплериниң арасынан Әмиӯдәрья, Еликқала, Төрткүл, Беруний ҳәм Тақыятас районларынан жәми 18 мектеп таңлап алынып, олардың 8-9 класс оқыӯшыларының билимлери онлайн тест сынаӯлары арқалы баҳаланбақта.

Усы онлайн тест арқалы оқыӯшылардың 2023-2024-оқыӯ жылының II-шерек жуӯмақлары бойынша алған билимлери баҳаланады ҳәм олардың билиминдеги пәнлерди өзлестириӯдеги бослықлары анықланды.

Әлбетте, анықланған бослықларды толтырыӯ бойынша тийисли тәртипте илажлар әмелге асырылады.
 

Қарақалпақстан Республикасы Мектепке шекемги ҳәм мектеп билимлендириӯ министрлигиниң Мәлимлеме хызмети