Алдын хабар бергенимиздей, мектеп оқыӯшылары арасында «Билимлилер бәйгиси» теле викторина ойыны шөлкемлестирилип атыр еди. Усы басламаны Қараөзек районы баслап берди.

Райондағы  2-санлы улыӯма орта билим бериӯ мектебиниң 8-9-класс оқыўшылары арасында «Билимлилер бәйгиси» теле викторина ойынының районлық басқышы өткерилди.

Бул теле викторинаны өткериўдеги тийкарғы  мақсет, улыўма орта билим бериў мектеплеринде Мәмлекетлик билимлендириў стандартларында белгиленген талаплардың орынланыўын турақлы түрде үйренип барыў, анализ етиў, оқыўшылардың  логикалық, креативлик пикирлеў қәбилетин раўажландырыў, билиминдеги анықланған бослықларды толықтырып барыў, қәбилетли оқыўшыларды өзиниң қызыққан пән бағдарлары бойынша билим дәрежесин анықлаў  ҳәм оларды еледе раӯажландырыӯ болып табылады.

Теле викторина ойынының районлық басқышы жуўмағында «Билимдан», «Зийреклер» ҳәмде «Туран» топарлары ойынның кейинги басқышына жоллама алды.  

Қарақалпақстан Республикасы Мектепке шекемги ҳәм мектеп билимлендириӯ министрлигиниң Мәлимлеме хызмети