Ҳүкимет қарарына бола, 2024-жыл 1-январьдан баслап А.Авлоний атындағы педагогларды кәсиплик раўажландырыў ҳәм жаңа методикаларға үйретиў миллий-изертлеў институтында мектеп директоры лаўазымына талабанларды менеджерлик оқыў курсларында оқытыў, сондай-ақ, арнаўлы портал арқалы оларға менеджерлик сертификатын электрон бериў системасы енгизиледи (https://t.me/huquqiyaxborot/15105).

Уставқа муўапық, мектеплерде жумыс ислеп атырған директорлар ҳәр 5 жылда бир рет менеджерлик сертификатын алыўы талап етиледи.

Оқыў курсларының даўам етиў ўақты 144 саатты қурайды ҳәм талабанлар 1 ай даўамында оқытылады.

2024-жыл 1-сентябрьден баслап менеджерлик сертификатына ийе төмендеги басшы хызметкерлерге бул сертификаттың әмел етиў мүддети даўамында лаўазым ис ҳақысына ҳәр айлық қосымша үстемелер төленеди:

 -мектеп директорларына – 50 процент;

-мектеп директоры орынбасарларына – 30 процент.