Qaraqalpaqstan Respublikası Mektepke shekemgi hám mektep bilimlendiriw ministrliginiń májilisler zalında «Ilk qadam» jurnalınıń jańasha tústegi 2024-jılda baspadan shıǵarılıwı tuwralı ushırasıw bolıp ótti. Bul ushırasıwda tek mámleketlik mektepke shekemgi bilimlendiriw shólkemleri emes, al mámleketlik jeke sherikshilik hámde shańaraqlı baqshalardıń basshıları da qatnastı.

Ushırasıwda Agentliktiń málimleme xızmeti baslıǵı Mavlyuda Asqarxwjayeva, «Ilk qadam» jurnalınıń bas redaktorı Jamoliddin Uzakov qatnastı.

Bul jurnal 7 jasqa shekemgi balalardıń rawajlanıwı, tárbiya hám psixologiyasına tiyisli maǵlıwmatlardı óz ishine qamtıwı aytıp ótildi.

Sonıń menen birge, jurnal balanıń erte rawajlanıw basqıshındaǵı barlıq tárepler, mektepke shekemgi bilimlendiriwdiń jańa usılları hám tarawdıń huqıqıy reformaları tuwralı maǵlıwmatlardı ózinde jámlengen.