️Бүгинги күнде Қарақалпақстан Республикасы Мектепке шекемги ҳәм мектеп билимлендириў министрлиги ҳәмде Республикалық билимлендириӯ орайы тәрепинен билим дәрежеси жоқары болмаған мектеплерге мәнзилли методикалық хызмет көрсетиў мақсетинде методик-тур тәртиби енгизилип, жаңа педагогикалық ҳәм заманагөй технологиялар тийкарында оқытыў, сырт ел тәжирийбелерин үйрениў ҳәм олардың методларын қоллаў бойынша тийисли жумыслар әмелге асырылмақта.

️Шөлкемлестирилген методик-турдың нәӯбеттеги мәнзили Хожели районы Мектепке шекемги ҳәм мектеп билимлендириӯ бөлимине қараслы 9-санлы улыўма орта билим бериў мектеби болды.

️

Методик-турда пән методистлери тийисли пән муғаллимлериниң сабақларын анализлеӯ менен бирге методикалық жол-жобалар берип, буны лаборатория жумыслары ҳәм ашық сабақлары арқалы көрсетип берди. Бул арқалы оқыўшылардың дөретиўшиликке, жаңалыққа умтылыўлары да сынақтан өткерилди.

️

Соны айтып өтиӯ орынлы, методик-турды шөлкемлестириӯдеги мақсет – муғаллимлердиң кәсиплик шеберликлерин раўажландырыў ҳәм билимлендириў системасына енгизилип атырған жаңа технологияларды үйретиўден ибарат.