Бул Мойнақ районы орайындағы 2-санлы улыўма орта билим бериў мектебиниң кешеги ҳәм бүгинги көриниси. Мектеп имараты 1978-жылы қурылған.

Мектеп 694 оқыўшыға мөлшерленген. Оқыў орнында 54 педагог-оқытыўшылар оқыўшыларға тәлим-тәрбия берип келмекте.

2017-жылы инвестиция бағдарламасы тийкарында 1 млрд. 62 млн. 300 мың сўм қаржыға капитал ҳәм 2022-жылы жергиликли бюджет есабынан 631 млн.сўм қаржыға жеңил оңлаў жумыслары алып барылды.

2023-жылы апрельде болса, басламалы бюджет бағдарламасынан 262 млн.сўм қаржы жеңип алынып, оқыўшыларды кәсипке бағдарлаў мақсетинде тигиўшилик ҳәм устахана шөлкемлестирилди. Сондай-ақ, усы жылдың сентябрь айында 800 млн. сўм утып алынып, класс ханалары ҳәм мәжилислер залына зәрүр буйымлар алынды.