Búgingi kúnde rayon aymaǵındaǵı bilimlendiriw mákemelerinde ámelge asırılıp atırǵan reformalardı iske asırıwda oqıw-tárbiya processinde ózleriniń bilimi, is tájiriybesi hám insanıylıq pazıyletleri menen kózge túsken oqıtıwshılardıń abıroyın kóteriw, olardı hár tárepleme qollap-quwatlaw hám xoshametlewge ayrıqsha itibar qaratılıp kiyatır.

Ózbekstan Respublikası Prezidentiniń 2022-jıl 3-fevraldaǵı F-22-sanlı biyliginde belgilengen wazıypalardıń orınlanıwın támiyinlew maqsetinde, Bozataw, Qaraózek, Kegeyli, Qońırat, Moynaq, Nókis, Taxtakópir, Shomanay hám Ellikqala rayonlarında ulıwma orta bilim beriw mektepleriniń matematika hám fizika páni oqıtıwshılarınıń rayon hákimi menen ushırasıwı ótkerildi.

Ushırasıwda rayon hákimleri shıǵıp sóylep, mámleketimiz tárepinen bilimlendiriw tarawına qaratılıp atırǵan itibar menen birge oqıtıwshılarǵa jaratılıp atırǵan imkaniyatlar tuwralı aytıp ótti.

Sonday-aq, erteńgi keleshegimiz bolǵan jas áwladtı hár tárepleme jetik, zamanagóy bilimge iye, joqarı mádeniyatlı hám óz Watanınıń haqıyqıy perzenti etip tárbiyalawda taraw xızmetkerleriniń óz bilimin, kúsh hám jigerin ayamay jumsaydı dep bekkem isenim bildirip ótti.

Ushırasıw sońında 1-dekabr Qaraqalpaq tiline til biyligi berilgen kún bayramı menen bárshe qatnasıwshılardı qutlıqladı.

Bunnan soń, ulıwma orta bilim beriw mektepleriniń matematika hám fizika páni oqıtıwshıları ushın trenerler tárepinen bilimlendiriw tarawındaǵı sońǵı jańalıqlar menen tanıstırıp ótti.