️Нөкис районындағы 4-санлы улыӯма орта билим бериӯ мектебинде атақлы мәмлекетлик ҳәм жәмийетлик ғайраткер, Қарақалпақстан Республикасы Жоқарғы Кеңесиниң Баслығы, Өзбекстан Республикасы Олий Мажлиси Сенаты Баслығының орынбасары, Өзбекстан Қаҳарманы Муса Тажетдинович Ерниязовтың туӯылғанына 75 жыл толыӯы мүнәсибети менен  оқыӯшылар қатнасында илаж өткерилди.

️Илажда мектептиң руӯхый-ағартыӯшылық ислери бойынша директор орынбасары Н.Бекмуратова сөзге шығып: Муса Тажетдинович өз өмирин қарақалпақ үлкесиниң раўажланыўына бағышлағанлығын, ɵзиниң дерлик мийнет жолы даўамында бир қанша жуўапкерли лаўазымларда шын жүректен хызмет етип, Қарақалпақстан Республикасының социаллық-экономикалық раўажланыўына, халқымыздың турмыс пәраўанлығының артыўына өз үлесин қосқан, халқымыз ҳәм мәмлекетимизге садықлық пенен, ҳадал және пидәкерлик пенен хызмет еткен инсан екенлигин айтты. Сондай-ақ, Муса Тажетдинович өмириниң ақырына шекем өзиниң бар билимин ҳәм тәжирийбесин Қарақалпақстан Республикасының абат болыўына, халқымыздың абадан турмысын тәмийинлеўге жумсады. Оның өмири ҳәм дөретиўшилик хызметлери бәршемиз, соның ишинде, келешек жасларымыз ушын үлкен турмыс мектеби болып, оларды Ўатанды сүйиўшиликке тәрбиялаўға, мәрт ҳәм садық инсанлар болып ержетиўине  хызмет ететуғынлығын атап өтти.

️Илаж даӯамында оқыӯшыларға Муса Тажетдинович Ерниязов ҳаққында ҳүжжетли кинофильм қойып берилди.

️Жақсыларды еслеў, олардың руўхын шад етиў, халқымызға тән инсаныйлық пазыйлетлерден бири. Республикамыз басшысының естелиги ҳәр биримиздиң жүрегимизде мәңги сақланады.