Алдын хабар бергенимиздей, пайтахтымыздағы 24-санлы улыўма орта билим бериў мектебинде қәбилетли, билимли оқыўшылары арасында тийкарғы пән олимпиадасының III (Қарақалпақстан Республикалық) басқышы өткерилди.

Бүгин, мине, усы пәнлер олимпиадасында жеӊимпаз болған оқыўшыларды ҳәм оныӊ оқытыўшыларын сыйлықлаў мәресими өткерилди. Сыйлықлаў мәресимине Қарақалпақстан Республикасы Мектепке шекемги ҳәм мектеп билимлендириȳ министриниң биринши орынбасары А.Даулетбаев ҳәм Республикалық билимлендириȳ орайы директоры Қ.Жубановлар қатнасты.

Олимпиаданың сыйлы орынлары саны бойынша биринши бесликте Төрткүл районы, Әмиȳдәрья районы, Нөкис районы, Нөкис қаласы (Президент мектеби) ҳәм Қоңырат районлары орын алды.

Олимпиада қағыйдасына көре, 1-орынды қолған киргизген оқыўшылардың ҳәр бирине 1980 000 (бир миллион тоғыз жүз сексен мың) сўм, 2-орынға 1 320 000 (бир миллион үш жүз жигирма мың) сўм, үшинши орынға 990 000 (тоғыз жүз тоқсан мың) сўм муғдарында пул сыйлықлары да тапсырылды.