Бүгин Қарақалпақстан Республикасы "Бәркәмал әўлад" балалар мектеби тәрепинен «Билим – ҳәрекет – нәтийже» сүрени астында «Бәркамал әȳлад» балалар мектеплеринде жоқары тәжирийбеге ийе ҳәм мектептен тысқары билимлендириȳ тараȳының раȳажланыȳына өз үлесин қосып киятырған белсенди директорларды анықлаȳ мақсетинде «Жыл директоры» көрик-таңлаȳының Қарақалпақстан Республикалық басқышы өткерилмекте.

Таңлаўға республикамызда жумыс алып барып атырған «Бәркамал әўлад» балалар мектебиниң директорлары қатнаспақта.

Төрешилер қурамы ағзалары қатнасыўшылардың дөретиўшилик жумысларын баҳалап бармақта.

Онда орай директорларының жаңа инновациялық технологияларды шөлкемлестириў арқалы оқыўшылардың бос ўақытларын мазмунлы өткериўди жолға қойыў бойынша исленген жумыслары, олардың инталылығы, дөретиўшилиги ҳәм жуўапкершилиги, сондай-ақ, «Бәркамал әўлад» балалар мектеплериндеги дөгерек ағзаларының түрли илажлардағы қатнасы, жетискенликлери, дөгерек жумысларының нәтийжелилигине айрықша итибар қаратылады.

Сондай-ақ, қатнасыȳшылардың хуқықый саȳатханлығы, ҳәзирги ȳақыттағы билимлендириȳ тараȳындағы өзгерислер ҳәмде таза қарарлардың орынланыȳы бойынша да билимлери баҳаланып барылады.

Бизде өз гезегинде бәрше қатнасыўшыларға табыслар тилеп қаламыз!