Билимлендириӯ реформаларын биргеликте әмелге асырыӯ, муғаллимлерди бирден-бир қүдиретли кәсипке айландырыӯ ҳәмде жүзеге келген машқалаларды талқылап, биргеликте үйрениӯ ҳәм олардың шешими бойынша анық усыныслар ислеп шығыў мақсетинде оқытыӯшылар қурылтайының район(қала)лық басқышы шөлкемлестирилди.

Қурылтайдың район (қала) лық басқышы даўамында билимлендириў тараўындағы соңғы жаңалықларды бөлисиў менен биргеликте оқытыўшыларды қыйнап жүрген машқалалар, олардың шешими бойынша пикир, усыныслар тыңланып, өз-ара сәўбетлесиўлер өткерилди.

Оқытыўшылар өз усыныс ҳәм пикирлерин билдириў ушын 4 секцияға бөлинди.

Әлбетте бүгинги өткерилген оқытыўшылар Қурылтайында өз билим ҳәм қәбилетлерин көрсете алған пән оқытыўшылары тийисли бағдарлардан таңлап алған ҳалда Қарақалпақстан Республикасы көлеминде өткерилиўи режелестирилген илажларға қатнасыў ушын усынылады.

Илаж соңында оқытыӯлар Қарақалпақстан Республикасы Мектепке шекемги ҳәм мектеп билимлендириӯ министрлигиниң Ҳүрмет жарлығы менен сыйлықланды.