Алымлардың изертлеӯлерине қарағанда, 35 минут – 7 жаслы ҳәм ҳәттеки, 6 жаслы баланың мийи жақсы қабыл етиӯи ушын жетерли ӯақыт есапланып, усы ӯақыт даӯамында оқыӯшы артықша нәрселерге шалғымастан, муғаллим айтқан мағлыӯматларға дыққат қарата алар екен.

Сабақтың жуӯмақлаӯшы 10 минутлы бөлеги болса пән муғаллимлери ушын сабақта берилген түсиндириӯ ҳәм жаңа билимлерди беккемлеӯ ушын қолай ӯақыт есапланады.

Министрлер Кабинетиниң 2017-жыл 140-санлы қарары менен тастыйықланған «Улыӯма орта билимлендириӯ ҳаққында»ғы Реже ҳәмде белгиленген санитариялық нормаларға ҳәм қағыйдаларға муӯапық сабақ шынығыӯдың даӯамылығы 45 минут етип белгиленген.

Тараӯ қәнигелери тәрепинен сабақ шынығыӯлары ушын ажыратылған 45 минут ӯақыт төмендегише бөлистирилиӯи усыныс етилген:

1. Шөлкемлестириӯ бөлим (3 минут)
2. Өтилген теманы тәкирарлаӯ (7 минут)
3. Жаңа теманы түсиндириӯ (15 минут)
4. Жаңа теманы беккемлеӯ (10 минут)
5. Оқыӯшыларды баҳалаӯ (7 минут)
6. Үйге тапсырма бериӯ (3 минут)