Қарақалпақстан Республикасы Мектепке шекемги ҳәм мектеп билимлендириӯ министрлигине қараслы Республикалық «Бәркамал әӯлад» балалар мектебинде мектеп оқыӯшы қызлар арасында «Қәнекей қызлар» атамасында таңлаӯдың Қарақалпақстан Республикалық басқышы болып өтти.

Таңлаӯда район(қала)лық басқышында жеңимпаз болған оқыӯшы қызлар қатнасты.

Бунда оқыӯшы қызлардың оқыў ҳәм жәмийетлик жумысларда белсендилигин арттырыў, оларда ана-Ўатанға садықлық, пидайылық сезимлерин еле де раўажландырыў, миллий үрп-әдет дәстүрлеримизди, әдеп-икрамлылық, ийбелилик сыяқлы пазыйлетлерин жетилистириўге қаратылған таңлаў төрт шәрттен ибарат болды.

Таңлаў жуўмағында, 1-орынды Шымбай районы 41-санлы мектептиң 10-класс оқыӯшысы Феруза Жумабаева, 2-орынды Нөкис қаласы 31-санлы мектептиң 10-класс оқыӯшысы Гулбану Полатбаева, 3-орынды болса Төрткүл районы 45-санлы мектептиң 9-класс оқыӯшысы Уғилой Аминовалар ийелеўге миясар болды  ҳәм жеңимпазларға шөлкемлестириўшилер тәрепинен Ҳүрмет жарлығы ҳәм  баҳалы саўғалар тапсырылды.