️Өзбекстан Республикасы балалар ҳәм жас өспиримлер газетасы «Тонг юлдузи» улыӯма билим бериӯ мектеп оқыӯшылары арасында «Бойликни болаликдан асранг!» атамасында республикалық дәстүрий дөретиӯшилик ислер таңлаӯын өткерди.

️Мине, усы таңлаӯда мақала ҳәм гүрриңлер бойынша 1-орынды Кегейли районындағы 11-санлы мектептиң 6-класс оқыӯшысы У.Турганбаева ҳәм 3-орынды Қоңырат районындағы 39-санлы мектептиң 5-класс оқыӯшысы М.Мамбетбаевалар ийелеген болса, сүӯрет салыӯ түри бойынша 1-орынды Қоңырат районындағы 37-санлы мектептиң 4-класс оқыӯшысы Б.Қуатбаев ҳәм 3-орынды Кегейли районындағы 11-санлы мектептиң 6-класс оқыӯшысы Н.Жумагалиевалар ийеледи.

️Усы мүнәсибет пенен жеңимпаз оқыӯшыларымызды сыйлықлаӯ ушын «Тонг юлдузи» газетасының бас редакторы Феруза Адилова, бас редактор орынбасары Нурбек Кидиралиев, бөлим баслығы Надира Назарова ҳәм фото хабаршы Зухра Нышановалар Кегейли районындағы 11-санлы ҳәмде Қоңырат районындағы 37-санлы мектеплерде болып, жеңимпаз болған оқыӯшыларды қутлықлап, шөлкемлестириӯшилер тәрепинен таярланған баҳалы саӯғалар ҳәм Ҳүрмет жарлығы тапсырылды.

❇️Ушырасыӯда оқыӯшылар өзлериниң қызықтырып жүрген сораӯларына жуӯаплар алды.

️Илаж соңында мийманлар «Тонг юлдузи» газетасының соңғы санларын оқыӯшыларға саӯға етти.