Qońırat rayonı "Bárkámal áwlad" balalar mektebinde "Ullı keleshekke Bárkámal áwlad penen" súreni astında "Ashıq esikler" kúni ótkerildi.

Jańa oqıw jılı baslanıwı múnásibeti menen ótkerilgen ilajda rayonlıq keńes deputatı G.Embergenova, rayon hákimi orınbasarı A.Mamutov, mektepke shekemgi hám mektep bilimlendiriw bólimi baslıǵı F.Ergulanova hám mеktеp direktorı M. Matmuratovalar so'zge shıǵıp jańa oqıw jılı menen qutlıqladı.

Ilaj dawamında qatnasıwshılar názerine dógerek aǵzaları tárepinen tayarlanǵan kórkem shıǵıwlar, dóretıwshilik jumıslar kórgizbesi, ashıq dógerek shınıǵıwları usınıldı hám "Dógerekler yarmarkası" shólkemlestirildi.

Ilajǵa kelqen oqıwshılar mektep iskerligi, erisilgen jetiskenlikleri menen tanısıp, ózleri qızıqqan qógereklerge aǵza boldı.