Қарақалпақстан Республикасы Мектепке шекемги ҳәм мектеп билимлендириӯ министрлигинде усы жыл 3-4-август күнлери Өзбекстан Республикасы Мектепке шекемги ҳәм мектеп билимлендириӯ министрлигиниң 2023-жыл 27-июнь күнги «Коррупцияға қарсы гүресиӯге тийисли ишки локал хүжжетлерди жаңа редакцияда тастыйықлаӯ ҳаққында»ғы  196-санлы буйрығы, мазмун  мәниси «Е-антикор» платформасына киритилиӯи керак болған мағлыӯмат ҳаққында район(қала)лық Мектепке шекемги ҳәм мектеп билимлендириӯ бөлимлеринен Коррупцияға қарсы гүресиӯ ислерин алып барыӯ бойынша бириктирилген қәнигелерге оқыӯ семинар шөлкемлестирилди ҳәм түсиник жумыслары алып барылды.

          Сондай-ақ, семинар даӯамында Өзбекстан Республикасы Мектепке шекемги ҳәм мектеп билимлендириӯ  министрлигиниң Коррупцияға қарсы гүресиӯ ҳуқықый қадағалаӯ басқармасы баслығы орынбасары Абдумалик Юлдашев басшылығында Коррупция ақыбетлери, бүгинги күндеги әмелге асырылып атырған жумыслар ҳәм алдын алыӯ бойынша түсиник жумыслары өткерилди.

Қатнасыӯшылар семинар соңында тийисли қәнигелер тәрепинен берилген сораӯларға жуӯаплар алды.