Kegeyli rayonı 5-sanlı ulıwma orta bilim beriw mektebiniń màjilisler zalında rayon aymaǵındaǵı Mektepke shekemgi bilimlendiriw shólkemlerinde tárbiyalanıp atırǵan tárbiyalanıwshılardıń máwsimlik awqatlanıw tártibin nátiyjeli shólkemlestiriw boyınsha seminar-trening sholkemlestirildi.

Bolıp ótken seminarda Qaraqalpaqstan Respublikası Mektepke shekemgi hám mektep bilimlendiriw ministrligi sektor baslıǵı N.Qurbanova qatnasıp, “Mektepke shekemgi bilimlendiriw shólkemlerinde tárbiyalanıwshılardı salamat awqatlandırıwdı shólkemlestiriwde birden-bir máwsimlik taǵamnamalardı ámelde qollaw” temasında keń túrde túsinik jumısların alıp bardı.

Bunda tiykarınan Mektepke shekemgi bilimlendiriw shólkemlerinde salamat awqatlanıw tártibin támiyinlew, balalardıń ósiwi, olardıń aqılıy rawajlanıwında áhmiyetli bolǵan azıq-awqat ónimleri hár kúngi taǵamnamada bolıwı kerekligi haqqında sáwbetlesildi.

Seminar soraw juwaplar menen dawam ettirildi.