Ózbekstan Respublikası Mektepke shekemgi hám mektep bilimlendiriw ministrligi qasındaǵı Mektepke shekemgi bilimlendiriw agentligi menen birgelikte “Mercy Corps" tárepinen 2023-jıldıń 12- hám 21-iyul kúnleri Surxandárya wálayatı Termiz qalası hám Qaraqalpaqstan Respublikası Nókis qalasında “Mektepke shekemgi bilimlendiriw sapasín asíríw hám pedagoglardín kásiplik rawajlaníwínín áhmiyeti” atamasında ámeliy konferenciya bolıp ótti.

AQSh Awıl xojalıǵı ministrligi tárepinen qarjılandırılǵan Ózbekstandaǵı “Mercy Corps”tıń Ózbekstanda balalardıń bilim alıwı hám awqatlanıwı ushın "Mak Govern-Doul" xalıqaralıq baǵdarlaması Surxandárya wálayatı hám Qaraqalpaqstan Respublikasındaǵı mámleket mektepke shekemgi bilimlendiriw shólkemlerinde bilimlendiriw sapasın jaqsılawǵa qaratılǵan. Bul baǵdarlama sheńberinde, Termiz hám Nókis qalalarında shólkemlestirilgen konferenciyada 171 pedagog hám metodistlar, 22 mentor (tárbiyashı), sonıń menen birge, 60 mámleket mektepke shekemgi bilimlendiriw shólkemleri direktorları hám Mektepke shekemgi bilimlendiriw ministrligi wákilleri qatnastı.

Bayanatshılar arasında American Councils shólkeminen English Speaking Nation (ESN) trenerlari Vendi Koulson hám Yuta Otake, balalarda erte sawatlılıqtı rawajlandırıw boyınsha óziniń xalıqaralıq tájiriybeleri menen bólisti. Konferenciyada pedagoglar hám olardı qollap-quwatlaytuǵın mentorlar (tárbiyashılar) hám “Mercy Coprs” tárepinen Ózbekstandaǵı mektepke shekemgi bilimlendiriw shólkemleri pedagoglardıń potencialın asırıw baǵdarlaması sheńberinde balalarda dáslepki jasından sawatlılıǵın rawajlandırıw sheńberinde ótkerilip atırǵan ámeliy islerdiń jetiskenlikleri haqqında maǵlıwmat berip ótildi. Sonıń menen birge, mentorlik (tárbiyashılıq) baǵdarlaması arqalı mektepke shekemgi bilimlendiriw shólkemleri pedagogların potencialın asırıw hám balalardıń dáslepki jasından sawatlılıǵın rawajlandırıw ushın jámiyet hám shańaraqtı qollap-quwatlawdı kúsheytiw, mektepke shekemgi jastaǵı balalar salamatlıǵı hám gigiyenasın durıs jolǵa qoyıw boyınsha pikir almasıldı.

Ilaj juwmaǵında, konferenciya qatnasıwshılarına sertifikatlar tapsırıldı hám Qaraqalpaqstan Respublikası hám Surxandárya wálayatınıń Ózbekstandaǵı “Mercy Corps” baǵdarlamasına kiritilgen barlıq mámleketlik mekteke shekemgi bilimlendiriw shólkemleri ushın plakatlar, oqıw kartaları toplamları hám balalarda erte sawatlılıqtı rawajlandırıw boyınsha ámeliy ideyalarǵa iye pedagoglar ushın konferenciya qollanbasınan ibarat sıylıqlar toplamı tapsırıldı.