Өзбекстан Республикасы Президентиниң 2021-жыл 14-январдағы "Шахматты және де раўажландырыў, ен жайдырыў ҳәм де шахматшыларды таярлаў тараўын еле де жетилистириў ис-илажлары ҳаққында"ғы  ПҚ-4954-санлы қарарына муўапық, Қарақалпақстан Республикасы Мектепке шекемги ҳәм мектеп билимлендириў министрлигине қараслы мектепке шекемги билимлендириў шөлкемлери тәрбыяланыўшылары арасында Республикалық  «Шахмат» спорт жарысы өткерилди.

Тәрбияланыўшылар арасында өткерилген жарыс жуўмағында ул баллар арасынан Қоӊырат районы 1-санлы мектепке шекемги билимлендириў шөлкеми тәрбияланыўшысы Рамазан Джумабаев, қыз баллар арасынан Тақыятас районы 9-санлы мектепке шекемги билимлендириў шөлкеми тәрбияланыўшысы Зарина Konстантиновна биринши орынларды ийелеп, Өзбекстан Республикасы басқышына жоллама алды.

Сондай-ақ, Қарақалпақстан Республикасы Мектепке шекемги ҳәм мектеп билимлендириў министрлиги тәрепинен 1,2,3-орынды алған жеӊимпазларға қымбат баҳалы саўғалар (велосипед) ҳәм дипломлар тапсырылды. Қалған барлық қатнасқан тәрбияланыўшыларға да қымбат баҳалы саӯғалар ҳәм ҳүрмет жарлықлары тапсырылды.