Бүгин елимизде 27-июнь – Баспасөз ҳәм ғалаба хабар қураллары хызметкерлери күни. Усы мүнәсибет пенен республикамыздың барлық аймақларында бул байрам көтериңки кейпиятта белгиленбекте.

Сәне мүәнсибети менен Қарақалпақстан Республикасы Мектепке шекемги ҳәм мектеп билимлендириӯ министрлиги де пидайы кәсип ийелериниң кәсиплик байрамын көтериңки руўхта белгилеў ҳәм министрликтиң алып барып атырған жумысларын кең жәмийетшиликке танытыўда белсендилик пенен мийнет етип атырған республикамыздағы баспасөз ҳәм ғалаба хабар қураллары хызметкерлерди хошаметлеў мақсетинде, ушырасыў кешесин шөлкемлестирди.

Кешеде Қарақалпақстан Республикасы Мектепке шекемги ҳәм мектеп билимлендириӯ министри Ахмед Наримбетов соңғы жыллары елимизде жүргизилип атырған кең көлемли реформалар, соның ишинде ғалаба хабар қуралларында ашықлық ҳәм жәриялылықты тәмийинлеў бойынша исленип атырған жумыслар туўралы айтып өтип, барлық қатнасыўшыларды кәсиплик байрамы менен қызғын қутлықлады ҳәм Миннетдаршылық хаты ҳәм естелик саўғалары тапсырылды.

Соң мийманлар шығып сөйлеп, кәсиплик байрам алдынан журналистлерге көрсетилип атырған хошамет ушын, шөлкемлестириўшилерге өзлериниң миннетдаршылығын билдирди.

Байрам кешеси журналистлердиң өз-ара пикир алысыўы менен кеўилли даўам етти.