Búgin, 18-may kúni Berdaq atındaǵı Qaraqalpaq mámleketlik universitetinde Qaraqalpaqstan Respublikası Mektepke shekemgi hám mektep bilimlendiriw ministrligi tárepinen Ózbekstan Respublikası Prezidentiniń sıylıǵı ushın «Shet tilin oqıtıw boyınsha eń jaqsı mektep» tańlawınıń Qaraqalpaqstan Respublikası basqıshı ótkerilmekte.

Tańlawdıń ashılıw keshesine tiyisli taraw basshıları menen birge, respublikamızdaǵı ǵalaba xabar quralları wákilleri qatnastı.

Bul basqıshqa hár bir qala hám rayonlardan jeńimpaz bolǵan 17 mektep saylandı komandalarınan jámi 85 oqıӯshı inglis tilinen óz bilimlerin sınaqtan ótkermekte.

Oqıwshılardıń erkin, ózleriniń bilimlerin tolıq sınaqtan ótiwin támiyinlew maqsetinde auditoriyalar, kerekli oqıw quralları menen támiyinlenip, barlıq sharayatlar jaratılǵan.

Búgingi hár bir qala hám rayonlardan kelgen jeńimpaz mekteplerdiń saylandı komandalarına Qaraqalpaqstan Respublikası Ministrler Keńesi tárepinen 1-orın ushın 250 million, 2-orın ushın 200 million, 3-orın ushın 150 million swmlıq vaucher menen sıylıqlanadı.

Áhmiyetli tárepi sonda, jeńip alınǵan pul sıylıqlarınıń 25 payızı jeńimpaz bolǵan oqıwshılarǵa sıylıq sıpatında (noutbukler, oqıw ádebiyatları, pul sıylıǵı htb) beriledi hám 25 payızı mekteptiń qala hám rayon basqıshında joqarı ball alıwına úles qosqan hámde olardı tańlawda qatnasıwına tayarlaǵan pán muǵallimleri ushın beriledi. Qalǵan 50 payızı bolsa, jeńimpaz bolǵan mekteptiń materiallıq-texnikalıq bazasın bekkemlew ushın sarıplanatuǵınlıǵı belgilep berilgen.

 Tańlawdıń nátiyjeleri tuwralı maǵlıwmat berip baramız.

Ibadullayev Xabibulla

QMUniń Qaraqalpaq filologiyası hám jurnalistika fakulteti Málimleme xızmeti hám jámiyetshilik penen baylanıslar baǵdarınıń 3-kurs studenti