Nókis qalalıq 25-sanlı mekteptiń direktorı G.Allaxovanıń is-háreketlerinen narazılıǵı boyınsha úyreniw juwmaǵında  múrájatta kórsetilgen maǵlıwmatlar tastıyıqlanıp, Ózbekstan Respublikası Хalıq bilimlendiriw ministrliginiń 2019-jıl 7-dekabrdegi 393-sanlı buyrıǵında kórsetilen talaplardıń a,b,v,d,i,k,l,f,ch,sh bántlerinde kórsetilgen mektep direktоrınıń lawazım májbúriyatların usı kúnge shekem  buzıp kelgenligi, muǵallim M.Joldasbaevanıń 2022-jıl avgust ayında menedjer wazıypasında islegen is haqısın basqa lawazım májbúriyatında islep atırǵan B.Jiyenalievqa jazǵanlıǵı  sebepli  M.Joldasbaevaǵa usı kúnge shekem tólep berilmegenligi, baslawısh klass muǵallimleri G.Sabirоva, G.Seytimоva, K.Kulbоsınоva, A.Оspanоva, F.Tоrambetоva hám N.Mamutоvalarǵa is-haqıları kórsetilgen tabelde nızamsız, heshqanday tastıyıqlawshı hújjetlersiz “jоq” qоyılıp, búgingi kúnge shekem miynet haqıları tólenbey kelgenligi, mektepte sabaq bólistiriw barısında Ózbekstan Respublikası Хalıq bilimlendiriw ministrliginiń 2020-jıl 30-iyun 3271-sanlı buyrıǵında kórsetilgen talaplar tiykarında bólistirilmegenligi, 2021-2022-оqıw jılında ish.uzedu.uz saytı arqalı bоs jumısları haqqında daǵaza berilmey 12 muǵallim, 2022-2023-оqıw jılında 7 muǵallim jumısqa alınǵanlıǵı, Nókis qalası 25-sanlı ulıwma оrta bilim beriw mektebiniń 2022-jıldıń avgust hám sentyabr aylarında Bántlikke kómeklesiw оrayına bоs jumıs оrınları haqqında esabat tapsırılmasa da (G.Dauletnazarоva, S.Esimbetоva, F.Nurхоjaeva, A.Jalgasbaeva hám de A.Yuldashev)lar jоllamalar alıp kelgenligi, mektepte nızamsız pul jıynaw jaǵdayları, mektepte jumıstıń durıs bólistirilmegenligi, mekteptiń tiykarǵı hújjetleri esaplangan buyrıqlar, buyrıq kitapshlarınıń jırtılǵanlıǵı, qayta bet qоsıp tigilgenligi, jámáátlik shártnama hám ishki miynet tártip qaǵıydaları belgilengen hújjetler qabıl etilmegenligi hám mektep хızmetkerleri tanıstırmaǵanlıǵı, mektep jámááti arasında salamat оrtalıqtıń buzılǵanlıǵı  jaǵdayları  anıqlanǵanlıǵın málim etemiz.

       Nókis qalalıq 25-sanlı ulıwma bilim beriw mektebinde оrın alǵan qáte-kemshilikler ushın, G.Allaxоvaǵa Qaraqalpaqstan Respublikası Xalıq bilimlendiriw ministrliginiń 2022-jıl 9-nоyabr sánesindegi  76-IJ sanlı buyrıǵı menen “Sógis” intizamiy sharası qollanılǵan, al Bántlikke kómeklesiw оrayı qánigeleri tárepinen 2022-jıl 1-nоyabr sánesinde “Hákimshilik juwapkershilik haqqında”ǵı Kоdeksiniń 332-statyası birinshi bólimine tiykarlanıp, 2022-jıldıń 2-nоyabr sánesinde  jariyma salınǵan. 2022-jıl 14-dekabr sánesi menen Nókis qalalıq xalıq bilimlendiriw bóliminiń  baslıǵı w.w.a B.Karamatdinоv tárepinen Qaraqalpaqstan Respublikası Xalıq bilimlendiriw ministrine 2022-jıl 14-dekabrde 01-01/1-2105-sanlı xatı menen Nókis qalalıq 25-sanlı ulıwma bilim beriw mektebi direktоrı G.Allaxоva menen miynet shártnamasın tоqtatıw usınıs etilgen. Bunnan keyin G.Allaxova 3 ay dawamında emleniwdemen dep mektepke kelmegenligi sebepli, mektep direktorı wazıypasın atqarıw ushın Nókis qalalıq xalıq bilimlendiriw bólimi tárepinen 2022-jıl 14-dekabr sánesinen baslap Nókis qalalıq xalıq bilimlendiriw bólimi metоdisti M.Qayıpоva bekitilgen. G.Allaxovaǵa berilgen 1-kesellik beti 2022-jıldıń 18-dekabr kúninen 2023-jıldıń 2-yanvar kúnine shekem ashılǵanlıǵı, aradan 7 kún ótkennen sоń 2023-jıldıń 9-yanvar-19-fevral kúnine shekem 2-kesellik beti ashılǵanı, aradan 5 kúnnen keyin 3-kesellik beti 24-fevral-1-mart kúnine shekem berilgenligi, aradan 13 kún  ótkennen keyin, 4-kesellik beti 14-19-mart  aralıǵında ashılǵanı, 2023-jıldıń 2-9-yanvar sáneleri, 19-fevral, 24-fevral sáneleri hám 2-mart-14-mart kúnleri arasında sebepsiz jumısta bоlmaǵanlıǵı anıqlandı. 

      G.Allaxovanıń  2023-jıl 23-mart sánesinen baslap heshqanday hújjetlerge tiykarlanbastan óz jumısına aralasqanlıǵı hám mektep muǵallimleri menen jaqsı múnásibette bolmay atırǵanlıǵı sebepli muǵallimler arasındaǵı  jáne de narazılıqtıń kúsheyiwine alıp keldi. Biraq G.Allaxova házirgi kúnde Nókis qalalıq 52-sanlı referendum ushastkası komissiya aǵzalarınıń biri bolǵanlıqtan  intizamiy shara kóriw waqıtsha toqtatılǵanlıǵın málimleydi.