Bir dostım maǵan aytıp qaldı, menıń sińlim bar ol hár kúni Prezident mektebine barǵım keledi-dep mennen soraǵanı-soraǵan, men ayttım kelsin, tanıssın mektebimiz hámme ushın ashıq.

 -Nókis qalasındaǵı Prezident mektebine sayaxat etsem, ol jerdegi sharayatlardı kórsem, hám  men de sol jerde oqıw baxtına miyassar bolsam dep,- qıyallarda júrgen, jas shayıra dóretiwshı qızımız Dinara mektebimizde miymanda boldı. Mektebimizdi aylanar eken qıyalları ál áspanǵa ushıp hár bir nársege háwes etip, súysınıp qaradı. Men de bul qızdıń ózi kishkene bolıwına qaramastan, ishki dunyası bay, bir ájáyıp gózzallıqlarǵa tolı ekenin sezdim. Hám ol maǵan keterinde mektebińiz haqqında álbette bir qosıq jazaman dep-, óz wadesin berdi, hám búgin sol qosıq qatarların bizge jolladı.

Prezident mektebi

Prezident mektebiniń sawlatı,

Túrli-túrli oylarǵa saldı,

Mende usı mektepke barsam,

Degen qıyal aqılımdı aldı.

Arzıw etip biyik shıńlardı,

Mektep bosaǵasın atladım,

Kitapxana,  sport zalların,

Kórip júdá tań qaldım.

Mekteptegi bul qolaylıqlar,

Hár insanǵa  beredi ilhám,

Keleshekte sol jerde oqıp,

Ashsam deymen bilim sırların.

Prezident atamız hár kún,

Balalardıń baxtın oylar,

Tınısh hámde gózzal Watanda,

Ul-qızları shadlanıp oynar.

Nókis rayonındaǵı 19-sanlı mekteptiń 4-b klass oqıwshısı Qallibekova Dinara Tayır qızı

Tayarlaǵan: Nókis Prezident mektebiniń kitapxanashısı Genjegúl Ubbiniyazova