Búgingi biz sóz etpekshi bolgan zamanlasımız Qalbaeva Gúlnaz. Ol Nókis rayonındaǵı 10-sanlı ulıwma orta bilim beriw mektebinde 8-klassta oqıydı. Zamanlasımız óziniń talapshańlıǵı, izleniwsheńligi sebepli bir qatar tańlawlarǵa qatnasıp jaqsı nátiyjelerge ersip kelmekte.

Atap aytqanda, 2022-jılı ótkerilgen "Tólepbergen Qayıpbergenov shıǵarmalarınıń bilimdanı" atamasındaǵı tańlawda "Eń jas kitapxan" nominaciyasınıń jeńimpazı bolıwǵa eristi. "Konstituciya –  erkinligimiz kepilligi" atamasındaǵı shıǵarmalar tańlawında da  jeńimpazlıqtı qolǵa kirgizdi. Álbette, bunday jetiskenliklerdiń arqasında ustazlardıń miyneti sheksiz.

Sonday-aq, ol Berdaq shayırdıń 195 jıllıǵına arnap ótkerilgen "Xızmet etkil udayına el ushın" atamasında kórkem oqıw tańlawınıń jeńimpazı, 7-8-klass oqıwshıları arasında tariyx páninen ótkerilgen "Qaraózek rayonı hákim kubogi"niń rayonlıq basqıshında sıylı orındı iyeledi.

Gúlnaz oqıwdan bos waqıtlarında kitap oqıwǵa, muzıka dógeregine barıp, óziniń bos waqıtların mazmunlı hám únemli paydalanıwdı maqset etken.

Zamanlasımızdıń talantlı oqıwshı ekenligi háwesimizdi keltirdi. Qalbaeva Gúlnazdıń aldaǵı oqıwlarında tabıslar tilep, niyetiń joldasıń bolsın dep qalamız.

Sársenbaeva Aynura

QMUniń Qaraqalpaq filologiyası hám jurnalistikası fakulteti Málimleme xızmeti hám jámiyetshilik penen baylanıslar baǵdarınıń 2-kurs studenti