Mámleketimizde 2023-jıl «Insanǵa itibar hám sıpatlı bilimlendiriw jılı»nda belgilengen áhmiyetli wazıypalar, atap aytqanda tálim-tárbiya  sistemasın basqıshqa alıp shıǵıwda mektepte tálim alıwı dawamında oqıwshılardıń bir kásip hámde eki shet tilin úyreniwlerin shólkemlestiriw boyınsha Ózbekstan Respublikası Prezidenti tárepinen alǵa súrilgen baslamalardı ulıwma orta bilim beriw mekteplerinde keńnen engiziw ilájları kórilmekte. Usı múngásibet penen Moynaq rayonındaǵı 15-sanlı ulıwma orta bilim beriw mektebinde oqıwshılardı kásipke hámde shet tillerin úyretiw boyınsha keń kólemli jumıslar ámelge asırılmaqta.

Mektepte ustaz pedagoglar tárepinen oqıwshılarǵa tereń tálim-tárbiya beriw menen bir qatarda olardı kásipke úyretiw jumısları álle qashan baslanıp ketkenligi kórildi. Atap aytqanda, er balalar aǵash hám karton ónimlerinen har qıylı formadaǵı buyımlardı islep kelmekte. Qızlarımız bolsa hayal-qızlar sháshtárezxanası, tigiwshilik, toqımashılıq hám konditer ónimlerin pisiriw sıyaqlı jónelisler boyınsha kásipke baǵdarlanbaqta.