Президентимиздиң усы жылы 20-январь күнги "Мектеплерде шет тиллерин ҳәм кәсипке үйретиў системасын раўажландырыў мәселелери" бойынша өткерилген мәжилисинде берилген тапсырмаларды орынлаў мақсетинде Хожели районы ХББне қараслы 14-санлы мектепте "Кәсипке оқытыў орайы" Қарақалпақстан Республикасында үлгили тәризинде шөлкемлестирилген еди.

Усы мүнәсибет пенен, бүгин,  Қоңырат районы ҳәкиминиң жаслар сиясаты, социаллық раўажландырыў ҳәм руўхый-ағартыўшылық ислери бойынша орынбасары А.Мамутов, Қоңырат районы Халық билимлендириӯ бөлими баслығы Ф.Ергуланова ҳәм райондағы жәми 49 улыўма орта билим бериў мектеплериниң директорлары менен биргеликте тәжрийбе алмасыў мақсетинде Хожели районында болды.

Илаж қатнасыўшылары Хожели районында үлги тәризинде шөлкемлестирилген мектепте жаратылған бәрше қолайлықлар менен жақыннан танысты ҳәм орайдың жумысларын еледе жетилистириў бойынша өз-ара пикир алмасып, тәжрийбелерин арттырды.